Jansaıa Ábdimáliktiń ustazy FIDE nusqasy boıynsha jyldyń eń úzdik jattyqtyrýshysy atandy
ASTANA. QazAqparat - Tanymal grossmeıster Vladımır Chýchelov FIDE nusqasy boıynsha 2013 jyldyń úzdik jattyqtyrýshysy atandy. Halyqaralyq shahmat federatsııasy mundaı marapatty altynshy ret tabys etip otyr, dep habarlaıdy kaztrk.kz..
Sonymen qatar, Sıýean Polgar (eń úzdik áıelder jattyqtyrýshysy), Lı Venlın (eń úzdik jasóspirimder jattyqtyrýshysy) jáne Borıs Postovskıı (erekshe jetistigi úshin) syndy bapkerlerdiń eńbekteri atalyp ótti.
Ataqty grossmeıster Vladımır Chýchelov qazirgi ýaqytta negizinen bapkerlik qyzmetpen aınalysady. Belgııa azamatynyń óz mektebi bar. Onyń shákirtteri - Fabıano Karýana men Anısh Gırı. Ótken jyldan bastap Chýchelov qazaqstandyq shahmatshy Jansaıa Ábdimálikpen jumys isteı bastady.
