Jansaıa Ábdimálik pen Dınara Sádýaqasova álem shahmatshylarynyń TOP-10 kirdi
SANKT-PETERBÝRG. QazAqparat - Sankt-Peterbýrgte jyldam shahmattan (rapıd) Álem chempıonaty aıaqtaldy. Onyń qorytyndylary boıynsha, Jansaıa Ábdimálik pen Dınara Sádýaqasova jyldam shahmattan Álem chempıonatynyń úzdik ondyǵyna kirdi, dep habarlaıdy «SPORTINFORM» SAA.
Jansaıa jınaý múmkin bolǵan 12 upaıdyń ishinen 8,5 upaıdy enshiledi. Bul oǵan 6-oryndy ıelenýge múmkindik berdi. Óz kezeginde, Sádýaqasova 8 upaı jınady. Sportshylardyń úzdik ondyqqa kirýine osynyń ózi jetkilikti boldy.
Aıta keteıik, búgin Sankt-Peterbýrgte shahmattyń blıts túrinen Álem chempıonaty bastalady. Ol eki kúnge sozylady.
Foto: wrbc2018.com
