Jansaıa Ábdimálik nokaýt-júıe boıynsha ótetin álem chempıonatyna qatysady
NUR-SULTAN. QazAqparat – Qazaqstandyq shahmatshy, Erler arasyndaǵy halyqaralyq grossmeıter Jansaıa Ábdimálik Reseıde ótetin álem chempıonatyna qatysady, dep habarlaıdy QazAqparat.
Bul týraly shahmatshynyń ózi ortalyq kommýnıkatsııalar qyzmetinde ótken brıfıngide aıtty.
«Árıne, men óte qatty qýandym. Óıtkeni bul jetistikke uzaq daıyndalǵan edik. Erler arasyndaǵy grossmeısterlik normamdy sońǵy ret 2018 jyly oryndaǵan bolatynmyn. Pandemııa bastalǵannan keıin kóp ýaqyt boıy oınaýdyń sáti túspedi. Osyndaı chempıonatqa baryp, álemniń 11 shahmatshy qyzymen oınaı otyryp, sátti óner kersetýdiń áseri bólek», - dedi Jansaıa Ábdimálik.
Sondaı-aq, ol Reseıde nokýat-júıe boıynsha ótetin týrnırge qatysatynyn málim etti.
«Kelesi týrnırge kelsek, nokaýt-júıe (pleı-off) red.) boıynsha ótetin Álem chempıonatyna qatysýdy josparlap otyrmyn. Ol týrnır shilde aıynda Reseıdiń Sochı qalasynda ótedi», - dedi grossmeıster.
