Jansaıa Ábdimálik: Maqsatym – qytaılyq álem chempıonyn jeńý
NUR-SULTAN. QazAqparat – Qazaqstandyq jas shahmatshy, Erler arasyndaǵy halyqaralyq grossmeıter Jansaıa Ábdimálik aldaǵy maqsattary týraly aıtty, dep habarlaıdy QazAqparat.
«Meniń eń basty maqsatym – áıelder arasynda álem chempıony ataný. Shilde aıynda kezekti týrnır ótedi. Sol týrnır arqyly 2022 jyly ótetin álem chempıonatyna joldama alýǵa bolady. Qudaı jolymdy ońǵarsa dep tilep júrmin. Úmitkerler chempıonatyna irikteýden keıin segiz shahmatshy qalady. Solardyń arasynan jeńimpaz atanǵany Qytaı shahmatshysymen aqtyq saıysqa túsedi», - dedi Jansaıa Ábdimálik.
Aıta ketý kerek, qazaqstandyq tanymal shahmatshy shilde aıynda Sochıde ótetin álem chempıonatyna qatyspaqshy.
Buǵan deıin habarlaǵanymyzdaı, Memleket basshysy Qasym-Jomart Toqaev Jansaıa Ábdimálikti FIDE Gran-prıindegi jeńisimen quttyqtaǵan bolatyn.
Eske salsaq, atalmysh týrnırdegi jetistigi úshin otandasymyz erler arasyndaǵy halyqaralyq grossmeıster atandy.
