Jansaıa Ábdimálik «Qaırat» akademııasynda shahmat týrnırin ashty
ASTANA. QazAqparat - Qyzdar arasyndaǵy 4 márte álem chempıony, 20 jasqa deıingi qyzdar arasyndaǵy vıtse-chempıon, grossmeıster Jansaıa Ábdimálik «Qaırat» FK jasóspirimder akademııasynyń tárbıelenýshileri arasyndaǵy shahmattan týrnırdi ashty, dep habarlaıdy sports.kz.
T.Segizbaev akademııasynyń turǵynjaı korpýsynda ótken shara «Qaırat» FK balalar men jasóspirimder skaýtınginiń bas menedjeri Pavel Cherepanovtyń kirispe sózimen bastaldy. Ol KSRO-nyń belgili shahmat maıtalmandary jaıly áńgimelep berdi. Odan keıin belgili qazaqstandyq shahmatshy qyz Jansaıa Ábdimálik sóz alyp, shahmat oıyndarynyń adamnyń jeke tulǵa retindegi de, sporttyq da qasıetterin damytýdaǵy paıdasyn atap ótti. Ashylý sharasy sońynda grossmeısterge «Qaırat» FK atynan estelik syılyqtar tabystaldy, al klýbqa týrnır jeńimpazy marapattalatyn kollektsııalyq shahmat jıyntyǵy berildi.
