Jansaıa Ábdimálik International Master ataǵyn aldy
ASTANA. QazAqparat - 17 jastaǵy qazaqstandyq shahmatshy Jansaıa Ábdimálik International Master (erler arasyndaǵy halyqaralyq sheber) ataǵyn aldy, dep habarlaıdy «QazAqparat» tilshisi.
«Jýyrda FIDE (Halyqaralyq shahmat federatsııasy - avt.) Prezıdent keńesinde qazaqstandyq shahmatshy Jansaıa Ábdimálikke International Master (erler arasyndaǵy halyqaralyq sheber) ataǵyn berý týraly sheshim qabyldandy», delingen sportshynyń Instagramdaǵy paraqşasynda.
Jansaıa nebári 17 jasynda Qazaqstan shahmatshylarynyń arasynda alǵashqylardyń biri bolyp International Master dárejesin alyp otyr.
Esterińizge sala keteıik, Jansaıa Ábdimálik qyzdar arasynda 4 dúrkin álem chempıony, áıelder arasynda grossmeıster ataǵyn ıelengen. 2013 jyldyń qorytyndysy boıynsha FIDE-niń Azııa federatsııasy 20 jasqa deıingi qyzdar arasyndaǵy eń úzdik shahmatshy bolyp tanyǵan bolatyn. Jansaıa Ábdimáliktiń FIDE qazirgi reıtıngi - 2430. Búgingi tańda Jansaıa álem boıynsha Tor 100 Women March 2017 tiziminde 42 orynda.
