Jansaıa Ábdimálik halyqaralyq grossmeıster atandy
NUR-SULTAN. QazAqparat – Qazaqstandyq shahmatshy Jansaıa Ábdimálik erler arasyndaǵy halyqaralyq grossmeıster atandy, dep habarlaıdy QazAqparat.
Bul týraly shahmatshynyń ózi Facebook-tegi paraqshasynda jazdy.
«Alaqaı! Men – halyqaralyq grossmeıtermin!», - dep jazdy Jansaıa Ábdimálik.
Otandasymyz 22 mamyr men 2 maýsym aralyǵynda ótip jatqan áıelder arasyndaǵy FIDE Gran-prıiniń aqtyq kezeńinde jaqsy nátıje kórsetkeni úshin osyndaı ataqqa ıe bolyp otyr. Atalmysh jarysqa Qazaqstan atynan Dınara Sádýaqasova da qatysyp jatyr.
Eske salsaq, Jansaıa Ábdimálik 2020 jyldyń qorytyndysy boıynsha shahmattan áıelder arasynda Qazaqstan chempıony atanǵan edi.
Sondaı-aq, ol byltyr FIDE Online Steinitz Memorial jarysynda 2-orynǵa kóterilgen bolatyn.
