Jansaıa Ábdimálik Germanııanyń sýperklýbymen kelisimshart jasasty
NUR-SULTAN. QazAqparat – Qazaqstandyq shahmatshy Jansaıa Ábdimálik Germanııanyń álemge áıgili «Baden-Baden» klýbymen kelisimshartqa qol qoıdy, dep habarlaıdy QazAqparat Qazaqstannyń Shahmat federatsııasyna silteme jasap.
«Baden-Baden» áıelder klýby klassıkalyq shahmattan da, jyldam shahmattan da álem chempıony atanǵan eń myqty shahmatshylardy qataryna qosyp keledi.
Elıtalyq klýbtyń quramynda: Hoý Ifan (Qytaı), Anna jáne Marııa Mýzychýktar (Ýkraına), Aleksandra Kostenıýk (Reseı), Antoaneta Stefanova (Bolgarııa) sııaqty myqtylar bar.
«Baden-Badenniń» erler komandasy da osal emes: Fabıano Karýana, Maksım Vashe-Lagrav, Vıshvanatan Anand, Levon Aronıan, Petr Svıdler sııaqty sańlaqtar da osy klýbtyń músheleri.
2019/2020 jylǵy maýsymda Jansaıa komandalastarymen birge 11 týr oınaıdy, sodan keıin 2020 jyldyń mamyrynda Býndeslıganyń jeńimpazy anyqtalady.
Jansaıa birinshi týrda shved qyzy Inna Agresti jeńip, Germanııadaǵy mansabyn sátti bastady.
«Baden-Baden» komandasynyń kapıtany jas ári myqty shahmatshyny qataryna qosyp alǵanyna qýanyp otyrǵanyn jetkizdi.
