Jansaıa Ábdimálik FIDE Online Steinitz Memorial jarysynda 2-orynǵa kóterildi
NUR-SULTAN. KAZINFORM – Qazaqstandyq Jansaıa Ábdimálik shahmattan álemniń birinshi chempıony atanǵan Vılgelm Steınıtsti eske alýǵa arnalǵan blıts-shahmattan FIDE Online Steinitz Memorial 2020 onlaın-jarysynyń ekinshi oıyn kúnindegi partııalaryn sátti ótkizdi, dep habarlaıdy QazAqparat Prosports.kz saıtyna silteme jasap.
Jansaıa ótkizilgen alty partııanyń ishinde qytaılyq Leı Tıntsze men Tan Chjonı, Bolgarııa sportshysy Antoaneta Stefanova, reseılik Aleksandra Kostenıýk jáne frantsııalyq Marı Sebagty jeńip, bes ret úzdik atandy.
8-shi jarysta 20 jastaǵy qazaqstandyq shahmatshy ekinshi kúnniń qorytyndylary boıynsha jarystyń áıelder arasyndaǵy tiziminde 8 upaımen alda turǵan Reseı sportshysy Ekaterına Lagnodan utyldy.
Upaı sany 7,5 bolǵan Jansaıa Ábdimálik Kostenıýk jáne Tan Chjonımen birge ekinshi orynda tur.
