Jansaıa Ábdimálik FIDE Gran-prıiniń kóshbasshysymen teń oıyn kórsetti
ASTANA. QazAqparat - Shahmattan FIDE (WGP) áıelder arasyndaǵy Gran-prı jarysynyń birinshi kezeńi toǵyzynshy týrynda qazaqstandyq Bıbisara Asaýbaeva men Jansaıa Ábdimálik kezekti oıynyn teń nátıjemen aıaqtady, dep habarlaıdy QazAqparat tilshisi.
Atalǵan saıystyń toǵyzynshy týrynda Jansaıa Gran-prı úzdigi reseılik Aleksandra Gorıachkına, Bıbisara germanııalyq Dınara Vagnermen kezdesti.
Jansaıamen teń oıynnan keıin reseılik shahmatshy birinshi orynnan tómen tústi.
Gran-prı jarysynda qos shahmatshymyzdyń enshisinde 1 jeńis, 6 teń oıyn jáne 2 jeńilis bar. Jansaıa jetinshi ornyn saqtap qalsa, Bıibsara onynshy orynnan segizinshi orynǵa kóterildi.
28 qyrkúıekte Jansaıa týrnırdiń taǵy bir úzdigi - reseılik Ekaterına Lagnomen kezdesse, Bıbisara germanııalyq Elızabet Pettspen sheberlik baıqasady.
Eske salsaq, budan buryn segizinshi týr nátıjesin habarlaǵan edik.
