Jansaıa Ábdimálik Eýrazııanyń eń ádemi shahmatshysy ataǵynan úmitker
ASTANA. QazAqparat- Qazaqstandyq shahmatshy Jansaıa Ábdimálik Eýrazııanyń eń ádemi shahmatshysy ataǵynan úmitker, dep habarlaıdy «QazAqparat» HAA.
«Dostar, osy silteme boıynsha Eýrazııanyń eń ádemi shahmatshysy - Miss Chess Eurasia 2017! ataǵyna daýys berý júrip jatyr. Jansaıada ázirge tek 437 daýys bar, bul bizdiń mundaı konkýrs ótip jatqanyn bilmegenimizden. Osyny árqaısymyz óz paraqshamyzda bólisemiz jáne Shahmat hanshaıymy úshin daýys beremiz!»,-delingen Jansaıa Ábdimáliktiń feısbýktegi resmı akkaýntyndaǵy jazbada.
Daýys berý saıtynda osy ýaqytta aldyda kele jatqandardyń qatarynda ózbekstandyq Sarvınoz Kýrbanboeva (534 daýys), Jansaıa Ábdimálik (437) pen Tájikstandyq Mýtrıba Hotamı (405 daýys) bar.
17 jasar Jansaıa Ábdimálik - áıelder arasynda halyqaralyq dárejedegi grosmeıster. Qazirgi tańda Top 100 Women January 2017 tiziminde ol 43 orynda tur. FIDE reıtınginde Jansaıa Ábdimálik - 2430-da tur.
