Jansaıa Ábdimálik «erler halyqaralyq grossmeısteri» normasyn oryndady
ASTANA. QazAqparat - AQSh-tyń Fıladelfııa qalasynda «World Open 2017» iri halyqaralyq týrnıri ótti, oǵan qazaqstandyq shahmatshy Jansaıa Ábdimálik qatysty, dep habarlaıdy QazAqparat.
Týrnırge 216 shahmatshy qatysty. Olardyń 33-i - erler grossmeısteri, 26-sy erler arasynda halyqaralyq sheberler. Jansaıa yqtımal toǵyz upaıdyń jeteýin ıelendi, onyń altaýy - jeńispen, bireýi - teń oıynmen, bireýi jeńilispen aıaqtaldy.
Atap óteıik, bul qazaqstandyq shahmat tarıhynda 17 jastaǵy boıjetkenniń erler halyqaralyq grossmeısteri normasyn oryndaǵan alǵashqy jaǵdaı. Fınaldyq kezeńde Jansaıa amerıkalyq qurdasy Djeffrı Ksengpen oınady. Týrnır qorytyndysy boıynsha, barlyq favorıtter men myqty shahmatshylar týrnır kestesinde tómen syrǵysa, Jansaıa halyqaralyq reıtıngte 30 jolǵa kóterildi.
