Jansaıa Ábdimálik «Dara» ordenimen marapattaldy
NUR-SULTAN. QazAqparat - Qazaqstan shahmat federatsııasynyń prezıdenti, Indýstrııa jáne ınfraqurylymdyq damý mınıstri Beıbit Atamqulov búgin ataqty qazaqstandyq grossmeıster Jansaıa Ábdimálikpen kezdesip, Shahmat federatsııasynyń eń joǵary nagradalarynyń biri – «Dara» ordenin tapsyrdy, dep habarlaıdy atalǵan vedomstvonyń baspasóz qyzmeti.
Esterińizge sala keteıik, Gıbraltardaǵy áıelder arasyndaǵy shahmattan Gran-prı kezeńindegi oıynynyń qorytyndysy boıynsha Jansaıa Ábdimálik tarıhı jetistiktiń avtory boldy. Birde-bir oıynda jeńilmegen shahmatshy mártebeli jarysta merziminen buryn jeńiske jetip qana qoımaı, sonymen qatar halyqaralyq grossmeıster ataǵyn alǵan alǵashqy qazaqstandyq, sondaı-aq Ortalyq Azııa ókili boldy.
Beıbit Atamqulov sportshyny jetistigimen shyn júrekten quttyqtap, elimizdiń sport jetistikteri qazynasyna qosqan úlesi úshin alǵys bildirdi. Sondaı-aq, shahmatshyǵa jańa jetistikter tiledi.
Aıta keteıik, Jansaıa Ábdimálik – qazaqstandyq shahmatshy, halyqaralyq grossmeıster.
Óziniń alǵashqy ataǵyn Jansaıa Ábdimálik alty jasynda, 2006 jyly Almaty qalasynyń chempıonatynda 8 jasqa deıingi qyzdar arasynda jeńip alǵan.
