Jansaıa Ábdimálik balalar shahmatynan eresekter shahmatyna aýysty
ASTANA. QazAqparat - 14 jasar qazaqstandyq shahmatshy Jansaı Ábdimálik balalar jarysynan eresekter jarysyna aýysý esh qıyndyq týdyrmaǵanyn aıty, dep habarlady Vesti.kz.
«Eresekter shahmatyna aýysý aıtqandaı qıyn bolmady. Bala kezimnen bastap erler jarysyna qatystym, eresekterge qarsy oınaýǵa úırenip kettim, bári de oıdaǵydaı ótti. Alaıda qarsylyq deńgeıi joǵary ekeni seziledi. Balalarmen oınaǵanda, jeńilirek. Al eresektermen oınaǵanda oılanýǵa týra keledi, kóptegen partııalar teńbe-teń aıaqtalyp jatady», - dedi J.Ábdimálik.
Sondaı-aq sportshy ózi qola medaldi ıelengen Irandaǵy Azııanyń komandalyq chempıonatynyń qorytyndysyna toqtaldy.
«Komanda jaqsy oınady, óz oıynyma kelsem, turaqtylyq bolmady. Kóp qate jiberip aldym. Sondyqtan býl týrnır men úshin sátti ótti dep aıta almaımyn. Alaıda Irannan men úshin jaqsy estelikter bar. 2008 jyly altyn alǵanmyn», - dedi ol.
Jansaıa Ábdimálik shahmattan jastar arasynda birneshe dúrkin álem chempıony ekenine toqtala keteıik. Áıelder arasynda halyqaralyq grossmeıster ataǵy da bar. 2014 jyldan bastap sportshy eresekter shahmatyna aýysty, jýyrda 20 jasqa deıingiler arasynda Azııanyń úzdik shahmatshysy nagradasyn aldy.
