Jansaıa Ábdimálik Azııa chempıonatynda úshinshi oryndy ıelendi
ASTANA. QazAqparat - Birikken Arab Ámirliginiń Shardj qalasynda klassıkalyq shahmat oıyndary boıynsha erler men áıelder arasyndaǵy Azııa qurlyǵynyń chempıonaty ótýde, dep habarlaıdy Vesti.kz.
Atalmysh qalada jýyrda erler men áıelder arasynda Azııanyń blıts boıynsha resmı chempıonaty ótti. Onda áıelder tobynda ózara baq synasqan 23 shahmatshynyń ishinde 14 jastaǵy Jansaıa Ábdimálik qazaqstandyq jalǵyz oıynshy boldy. Al dodaǵa qatysqan erler arasynda 37 shahmatshydan Qazaqstan namysyn grossmeıster Rınat Jumabaev pen bolashaǵynan mol úmit kúttiretin jas shahmatshy Mamyrbaı Asad qorǵady.
Reıtıng boıynsha Jansaıa Ábdimálik qatysýshylar tiziminde 15-shi bolyp tirkelgen edi. Qazaqstandyq shahmatshy qyz toǵyz partııada 6,5 upaı jınap, tek qosymsha kórsetkishteri boıynsha úndilik grossmeıster Harıke Dronavallıden keıingi úshinshi oryndy ıelendi. Al alǵashqy oryndy qytaılyq Tan qanjyǵasyna baılady. Aıta keteıik, marapattaý rásiminde týrnırdi uıymdastyrýshylar qazaqstandyq órenniń chempıonattyń júldegeri atanǵanyna asa súısingendikterin jasyrmady. Esterińizge sala keteıik, atalmysh chempıonat 26 sáýir kúni aıaqtalady.
