Jansaıa Ábdimálik áıgili Anatolıı Karpovtan aılasyn asyrdy
ASTANA. 10 qańtar. QazAqparat - Almatyda Jansaıa Ábdimálik atyndaǵy shahmat akademııasynyń saltanatty ashylýy bolyp ótti, dep habarlaıdy Vesti.kz.
Atalmysh sharaǵa álemdegi eń tanymal shahmatshylardyń biri Anatolıı Karpov qatysty.
Ashylý saltanatynan keıin Karpov pen Ábdimálik ózara tórt partııa oınady. Sonyń ekeýinde ataqty sportshynyń mereıi ústem bolsa, bir oıyn teń aıaqtaldy, taǵy bir oıynda Jansaıa azýly qarsylasynan aılasyn asyra aldy. Atap óteıik, Anatolıı Karpov 12-shi álem chempıony. 1970 jyldan beri halyqaralyq grossmeıster. Ol álem chempıonattarynda 1975, 1978 jáne 1981 jyldary úsh márte, FIDE aıasyndaǵy álem chempıonattarynda úsh ret (1993, 1996, 1998 jyldary) jeńiske jetken.
