Jansaıa Ábdimálik Aýstrııadaǵy týrnırde top jardy
NUR-SULTAN. QazAqparat – Shahmatshy Jansaıa Ábdimálik 17-24 tamyz aralyǵynda Venada ótken halyqaralyq týrnırde jeńimpaz atandy, dep habarlaıdy QazAqparat.
«Keshe halyqaralyq «Vienna Open» týrnıri aıaqtaldy. «A» týrnırine 398 shahmatshy qatysty. Men áıelder arasyndaǵy saıysta birinshi orynǵa ıe boldym. Men jınaǵan upaı sany 2 men 11-ni oryn arasynda erler jınaǵan upaımen teń boldy», - dep jazdy sportshy Instagram paraqshasynda.
Sonymen qatar, otandasymyz qyzdar arasyndaǵy úzdik nátıjesi úshin aty ańyzǵa aınalǵan Nana Aleksandrııanyń qolynan arnaıy syılyq aldy.
«Qoldaý bildirgen barlyq jankúıerge myń alǵys», - dedi Jansaıa Ábdimálik.
Eske sala ketsek, Qytaıdyń Henshýe qalasynda shahmatttan ótken IMSA World Masters chempıonatynda otandasymyz eks-chempıon Aleksandra Kostenıýkti «altynsyz» qaldyrǵan bolatyn.
