Jansaıa Ábdimálik Almaty shahmat federatsııasynyń prezıdenti boldy
NUR-SULTAN. QazAqparat - Jansaıa Ábdimálik jańadan qurylǵan Almaty shahmat federatsııasynyń prezıdenti boldy, dep habarlaıdy QazAqparat.
Jańa uıym Almaty qalasynyń Shahmatshylar odaǵynan keri qaıtaryp alynǵannan keıin akkredıtatsııaǵa ıe boldy jáne megapolıste shahmat mádenıetin damytatyn bolady. Federatsııa men onyń prezıdentiniń maqsaty – Almatyny álemdik shahmat ortalyqtarynyń birine aınaldyrý jáne elimizdiń basqa shahmat federatsııalary úshin úlgi kórsetý.
Federatsııanyń prezıdenti qazaqstandyq shahmatshy, halyqaralyq grossmeıster Jansaıa Ábdimálik boldy.
«Federatsııanyń 2024 jylǵa deıingi josparynda – tórt negizgi baǵytty damytý: qala turǵyndary arasynda buqaralyq sport, mekteptegi bilim berýdegi shahmat, joǵary jetistikter sporty, sondaı-aq ardagerlerdi qoldaý», – dep atap ótti Jansaıa Ábdimálik.
Josparǵa sáıkes Almaty mektepterinde shahmat sabaqtaryna arnalǵan kabınetter jabdyqtalady, muǵalimder men oqýshylarǵa arnalǵan arnaıy oqytý baǵdarlamalary, ádistemelik quraldar ázirlenedi, sondaı-aq Mektep lıgasyna qatysý úshin komandalar qurylady. Mundaı tájirıbe Ulybrıtanııada, AQSh-ta, Túrkııada burynnan qoldanylyp keledi.
