Jansaıa Ábdimálik alǵash ret shahmattan Qazaqstan chempıony atandy
ASTANA. QazAqparat - Jansaıa Ábdimálik alǵash ret áıelder arasynda shahmat boıynsha Qazaqstan chempıony atandy, dep habarlady Vesti.kz. Búgin, 13 mamyrda, jarys jeńimpazdary men júldegerlerin marapattaý rásimi ótti.
Jarys 2 jáne 13 mamyr aralyǵynda Almatyda ótti. Týrnırge Qazaqstannyń 22 shahmatshysy qatysty. Úzdikteri 11 kún ishinde anyqtaldy. Áıelder arasynda jas Jansaıa Ábdimálik jeńiske jetti.
Kúmis júldege Elena Ankýdınova ıe boldy. Úshinshi orynǵa Gúlmıra Dáýletova ıe boldy.
