Jansaıa Ábdimálik Álem chempıonatyndaǵy basty qarsylastaryn atady
ASTANA. QazAqparat - Qazaqstannyń namysyn qorǵaıtyn qyzdar quramasynyń kóshbasshysy Jansaıa Ábdimálik Astanada shahmattan bastalatyn komandalyq Álem chempıonatyndaǵy basty qarsylastaryn atady, dep habarlaıdy QazAqparat tilshisi.
«Bizdiń basty qarsylastarymyz - Ýkraına, Qytaı jáne Reseı dep esepteımin. Qalǵan qarsylastarymyzben ótetin oıynda múmkindikterimiz jaqsy. Eń bastysy, bárimiz judyryqtaı jumylyp oınaıtyn bolsaq, sáttilik bizde bolmaq», - dedi Jansaıa Ábdimálik Astanada ótken baspasóz máslıhatynda.
Qazaqstan shahmat federatsııasynyń vıtse-prezıdenti Jandos Ábishevtiń aıtýyna qaraǵanda, erler men qyzdar komandasynyń aıtarlyqtaı múmkindikteri bar.
«Eger qyzdarymyz bar kúsh-jigerin salyp, shyǵarmashylyq nátıje kórsetetin bolsa, munyń ózi aıtarlyqtaı jetistik. Qyzdar quramasy úshin bestikke ený - úzdik nátıje bolar edi. Erler quramasy qazirgi ýaqytta toǵyzynshy orynda turǵanyn eskersek, 7, 8 nemese 9-shy oryn erler úshin jaqsy nátıje bolady», - deıdi Jandos Ábishev.
Eske sala ketsek, shahmattan komandalyq álem chempıonaty alǵash ret Qazaqstanda ótkeli otyr. Búgin Astanada jarystyń saltanatty ashylý rásimi ótpek. Alǵashqy kezeń oıyndary erteń, naýryzdyń 5-i kúni bastalady. Qazaqstan quramasy sapynda Jansaıa Ábdimálik, Dınara Sádýaqasova, Bıbisara Asaýbaeva, Gúlishan Nahbaeva, Gúlmıra Dáýletova, Rınat Jumabaev, Mýrtas Kajgalıev, Anýar Ismagambetov, Denıs Mahnev pen Petr Kostenkolar óner kórsetedi.
EKSPO aýmaǵyndaǵy «Astana HQO» ǵımaratynda ótetin chempıonatty kelip kórgisi keletinder úshin de jaǵdaı jasalǵan. ıAǵnı, shamhamtsúıer fanattar toby úshin arnaıy fan-aýmaq bar. Ol jerde ornalastyrylǵan alyp ekran arqyly fanattar shahmat sheberleriniń oıynyn tamashalaı alady.
