Jansaqtaý bóliminde: Almatyda eki elektrıkti tok soqty

ALMATY. KAZINFORM – Áleýmettik jelidegi málimetke sáıkes, «Jastar» turǵyn úı kesheninde jumys istep júrgen elektrıkterdi tok soqqan.

Almaty qalasynyń Densaýlyq saqtaý basqarmasy bul málimetti rastap, eki azamattyń jansaqtaý bóliminde jatqanyn habarlady. 

– 22 mamyr saǵat 13:05-te Almaty qalalyq jedel shuǵyl kómek kórsetý aýrýhanasynyń qabyldaý bólimine elektr jaraqatyn alǵan eki er adam jetkizildi. Eki naýqasqa da ІІ–ІІІ dárejeli kóptegen kúıik dıagnozy qoıyldy. Patsıentter anestezıologııa, reanımatsııa jáne qarqyndy terapııa bólimine (ARQTB) jatqyzyldy. Qazir olarǵa barlyq qajetti qarqyndy terapııa sharalary júrgizilip jatyr, - dep málimdedi basqarmadan. 

Qalalyq polıtsııa departamenti atalǵan oqıǵa boıynsha tekseris júrgiziletinin habarlady.

– Almaly aýdandyq polıtsııa basqarmasy turǵyn úı kesheniniń aýmaǵynda jeke kompanııanyń eki qyzmetkerin elektr toǵynyń soǵý deregine qatysty tergeý júrgizip jatyr. Oqıǵanyń mán-jaıy anyqtalady. Qoldanystaǵy zańnamaǵa sáıkes sharalar qabyldanady, - dep málimdedi departamentten.

Eske salaıyq, buǵan deıin Qazaqstanda elektrık pen santehnık qyzmeti qansha turatynyn jazǵanbyz.