Jansaqtaý bólimine tek vaktsına almaǵan qaraǵandylyqtar túsip jatyr
Sonymen qatar, dárigerler vaktsına alǵan adamdar da vırýs juqtyrýy múmkin ekenin joqqa shyǵarmaıdy, biraq aýrý jeńil túrde ótedi.
Bul negizinen COVID-19 vaktsınasynyń alǵashqy komponentin alǵannan keıin paıda bolady.
«Immýnıtet qalyptasyp úlgermeıdi. Ekinshi komponent qosylǵan kezde ımmýnıtet bir aıdan keıin paıda bolady. Sonymen qatar, vaktsına alý kezinde adamdar vırýs tasymaldaýshysy bolǵany da ábden múmkin. Sımptomsyz aǵymǵa baılanysty olarda klınıkalyq kórinister baıqalmaýy múmkin. Biraq vaktsınatsııalanǵan adamdar koronavırýsqa ońaı tózedi. Bul adamdar ambýlatorııalyq negizde emdeledi. Immýnıtet agressıvti bola túsken vırýsqa qarsy turady. Buryn bir naýqastan vırýsty 2-3 adam juqtyratyn. Qazir 7 adamǵa deıin. Inkýbatsııalyq kezeń qysqarady. Qarapaıym sózben aıtqanda, vırýs tez kóbeıip, tez taralady», - dep túsindirdi Qaraǵandy oblysy Densaýlyq saqtaý basqarmasynyń basshysy Gamal Toqsambaev.
60 jastan asqan adamdar ınfektsııaǵa jıi ushyraıdy. Biraq sońǵy aptalarda jastar arasynda juqtyý kórsetkishiniń ósýi baıqalady.
Dárigerler muny vırýstyń joǵary kontsentratsııasymen, sondaı-aq jańa shtammnyń paıda bolýymen baılanystyrady.
«Delta» úndi shtamy klınıkasyn ózgertti. Qazir jastar men balalar jıi aýyra bastady. Bul mýtatsııaǵa baılanysty. Jańa belgiler paıda boldy – dıareıa, qusý. Enterovırýstyń kórinisteri dep atalady. ıAǵnı, tynys alý músheleri ǵana emes, asqazan-ishek joldaryna da áser etedi. Jastar vaktsına alýǵa asyqpaıdy jáne emdeýge kóbine nemquraıly qaraıdy. Olar ózin-ózi emdeı bastaıdy jáne aýrahanaǵa ókpesi 40-50% zaqymdanǵan kezde aýyr halde túsedi. Aýrýhanalarda bastalǵan emge qaramastan, protsesti birden toqtatý múmkin emes. Alǵashqy eki kúnde zaqymdaný 80-90% deıin jetýi múmkin», - deıdi Gamal Toqsambaev.
Dertten aýlaq bolýdyń jalǵyz ǵana tásili – vaktsınatsııa. Ol tipti tez mýtatsııalanǵan koronavırýstan da qorǵaıdy.
