Jansaqtaý bólimindegi júkteme 73%-dan 54% deıin tústi – mınıstrlik

NUR-SULTAN. QazAqparat – Qazaqstanda KVI qarqyny turaqtalyp, dárigerler úırenshikti jumys rejımine kóship jatyr, dep habarlaıdy QazAqparat Densaýlyq saqtaý mınıstrligine silteme jasap.

«Epıdemıologııalyq jaǵdaıdy turaqtandyrý medıtsınalyq kómekke qoljetimdilikti jaqsartýǵa múmkindik berdi, provızorlyq jáne ınfektsııalyq statsıonarlar júktemesi aıtarlyqtaı azaıdy. Osylaısha, provızorlyq tósek-orynnyń qamtylýy 40%-ǵa (89%-dan 49%-ǵa deıin), reanımatsııalyq tósek-orynnyń qamtylýy – 19%-ǵa (73%-dan 54%-ǵa deıin) tómendedi», - dep habarlady mınıstrliktiń baspasóz qyzmeti Telegram paraqshasynda.

Sonymen birge, Memleket basshysynyń tapsyrmasymen COVID-19 jáne pnevmonııasy bar naýqastardy emdeýge qajetti statsıonarlyq tósek-oryn ázirlenip, jalpy tósek qory 30,4 myńnan 52,1 myń tósek-orynǵa deıin ıaǵnı 21,7 myńǵa ósti.

«Bul kórsetkishter aýrý qarqynynyń turaqtalǵanyn kórsetedi. Dárigerler birtindep úırenshikti jumys rejımine kóship jatyr, sharalar júıeli túrde júzege asyryla bastady», – deıdi mınıstrlik.