Jańózendegi jarylys ornynda sarapshylar jumys istep jatyr

AQTAÝ. QazAqparat – Jańaózen qalasynda bolǵan jarylys ornynda Almaty, Aqtóbe qalalarynan kelgen sarapshylar jumys istepjatyr. Olar turǵyn úıde bolǵan apattyń saldaryn anyqtamaq, dep habarlaıdy QazAqparat tilshisi.

Apat ornyndaǵy jumystardy júrgizý úshin mamandarǵa barlyq jaǵdaı jasalǵan. Qala ákiminiń orynbasary Janseıt Qaınarbaevtyń basshylyǵymen tehnıkalar jetkizilgen. Arnaıy shaqyrylǵan sarapshylardyń jumystary 2-3 kúnge sozylýy múmkin.

«Al «QaztransGazAımaq» Jańaózen gaz sharýashylyǵy mamandary buǵan deıin 16 úıde ýaqytsha toqtatylǵan gazdy qaıta qosý jumystarymen aınalysty. Sondaı-aq tótenshe jaǵdaı saldarynan úı jaılarynan aıyrylǵan turǵyndarǵa jańa baspana alyp berý jumystary júrgizilip jatyr. Búgin 2 páter ıesiniń atyna jańa baspana rásimdeldi. Qalǵan zardap shekkenderge jaqyn kúnderi turǵyn-úı kiltteri tabystalatyn bolady», - delingen baspasóz málimetinde.