Jańózende eki daıashy jasóspirim qaıtys boldy

AQTAÝ. QazAqparat - Jańaózen qalasynda 2 jasóspirim gazdan ýlanyp, qaıtys boldy,-dep habarlaıdy Qazaqparat tilshisi.

2005, 2006, 2003 jyly týǵan úsh jasóspirim Jańaózen qalasyndaǵy meıramhanalardyń birinde túnde daıashy bolyp, artynan sonda qonýǵa qalyp qoıǵan. Tańerteń meıramhana qyzmekerleri eki jasóspirimniń denesin tapqan. Taǵy bir Jańaózen qalalyq aýrýhanasynyń jansaqtaý bólimine jetkizilgen. Qazir ol esin jıyp, jaǵdaıy turaqtandy. Oǵan gazdan ýlaný dıagnozy qoıylǵan. Mańǵystaý oblystyq Densaýlyq saqtaý basqarmasy baspasóz qyzmetiniń habarlaýynsha, jasóspirim erteń jalpy palataǵa aýystyrylady.

Oblystyq Polıtsııa departamenti taratqan aqparat boıynsha, osy oqıǵa boıynsha qylmystyq is qozǵalǵan.

«Atalǵan derek QR QK-niń 156-babynyń 4 bóligine sáıkes Jańaózen qalasy Polıtsııa basqarmasy sotqa deıingi tergeýdiń biryńǵaı tizilimine tirkeldi. Sotqa deıingi tergeý amaldary júrgizilýde. Oqıǵanyń mán-jaıy anyqtalýda»,-delingen habarlamada.