Jánnattaǵy hor qyzdary: QMDB Smanovtyń óz qateligin kezinde moıyndaǵanyn aıtty

NUR-SULTAN. QazAqparat – Abdýlaxad Smanov bul ýaǵyzdy stýdent kezinde, naqtyraq aıtqanda 2017 jyldyń 22 maýsymynda aıtqan. Bir jyldan soń qateligin moıyndap, qoǵamda túsinbeýshilik týdyrǵany úshin jamaǵattan, jalpy tyńdaýshylardan keshirim surady. QMDB Aqparat bóliminiń habarlamasy áleýmettik jelide jarııalandy, dep habarlaıdy QazAqparat.

«Smanov Abdýlaxad Əbdisattarulynyń áleýmettik jelidegi «Jánnattaǵy hor qyzdary» týraly ýaǵyzyna baılanysty Qazaqstan musylmandary dinı basqarmasy málimdeıdi:

Abdýlaxad Əbdisattaruly bul ýaǵyzdy stýdent kezinde, naqtyraq aıtqanda 2017 jyldyń 22 maýsymynda aıtqan. 2018 jyly shilde aıynda qateligin moıyndap, negizi joq «hadısti» aıtyp, qoǵamda túsinbeýshilik týdyrǵany úshin jamaǵattan, jalpy tyńdaýshylardan keshirim surady.

Búginde A. Smanov QMDB janyndaǵy «Talaba» stýdentter qaýymdastyǵynyń Saýd Arabııa Koroldigi boıynsha ókili. Ony taǵaıyndaýdaǵy maqsat – shetelde dinı bilim alyp jatqan stýdentterdi destrýktıvti dinı aǵymdardyń ıdeologııasynan saqtandyrý, jastar arasynda QMDB men memleket ustanymdary týraly tıisti túsindirme jumystaryn júrgizý. Dinı basqarma ókili osy baǵytta jumys isteıdi. Abdýlahad Smanovtyń dinı senimi QMDB ustanymyna qaıshy kelmeıtinin málimdeımiz, - delingen aqparattyq habarlamada.

Foto: sunna.kz