Janna Pralıeva Nur-Sultandy «qyzyl» aımaqqa engizgen basty faktordy atady
NUR-SULTAN. QazAqparat – Nur-Sultan qalasynyń bas sanıtarlyq dárigeri Janna Pralıeva elordanyń nelikten «qyzyl» aımaqqa engizilgenin aıtyp ótti, dep habarlaıdy QazAqparat tilshisi.
«Qyrkúıek aıynda jáne qazan aıynyń birinshi onkúndiginde qaladaǵy epıdemıologııalyq jaǵdaı turaqty dep baǵalandy. Biraq qazan aıynyń ekinshi jartysynan bastap reprodýktıvti sannyń (R) birlikten asyp ketýi baıqaldy. R sanynyń qazan aıynda 11 kún boıy jáne qarasha aıynda 6 kún boıy tómendedi. Qalǵan ýaqytta R sany 1-den asty, sondyqtan qala «sary aımaqta» boldy», - dedi Janna Pralıeva qala ákimdiginde ótken baspasóz máslıhatynda.
Onyń aıtýynsha qazan aıymen salystyrǵanda ózdigimen medıtsınalyq qyzmetke qaralyp anyqtalǵandar (aptasyna 18-den 213 jaǵdaıǵa deıin) jáne úı oshaqtarynda qatynasta bolyp aýyrǵandar (aptasyna 15-ten 217 jaǵdaıǵa deıin) sany kóbeıgen. Ótken aptada syrqattaný kórsetkishi 100 myń turǵynǵa shaqqanda 51,0-den asqan.
«10 jeltoqsannan bastap qala «qyzyl aımaqqa» aýysty. Bul birinshi kezekte qala turǵyndarynyń aldyn alý sharalaryn saqtamaýyna baılanysty bolyp otyr», - dedi ol.
