Janna Pralıeva elordada demalys kúnderi isteıtin nysandarǵa kirý tártibin túsindirdi
NUR-SULTAN. QazAqparat – Nur-Sultan qalasynyń bas memlekettik sanıtar dárigeriniń orynbasary Janna Pralıeva demalys kúnderi isteıtin nysadarǵa kirý tártibin túsinderdi, dep habarlaıdy QazAqparat tilshisi.
«28 tamyzdan bastap Ashyq boıynsha jumys isteıtin nysandar demalys kúnderi jumys isteıtin boldy. Osylaısha, mekemeler tún ortasyna deıin, al «Ashyq kóshbasshylaryna» túngi ekige deıin jumys isteýge ruqsat etiledi. Osy oraıda talapqa sáıkes, nysanǵa tek «jasyl» mártebeli qyzmetkerler men kelýshiler kiredi. ıAǵnı, vaktsına alǵan, teris nátıjeli PTR testi bar, sondaı-aq turaqty medıtsınalyq qarsy kórsetilimderi bar jáne sońǵy 3 aıda koronavırýspen aýyrǵan adamdar úshin berilgen «jasyl mártebege» engender kiredi. Nysandarǵa tek «jasyl mártebe» ıelerin kirgizý týraly talap senbi, jeksenbi kúnderi ǵana bolady. Al jumys kúnderi «jasyl» jáne «kók» mártebesi bar adamdar burynǵydaı qala boıynsha erkin júre alady», - dedi J. Pralıeva.
Onyń aıtýynsha, demalys kúnderi «kók mártebesi» bar adamdarǵa qoıylǵan shekteýlerge qaramastan, oblysaralyq jáne oblysishilik turaqty tasymaldarǵa, qonaq úılerge, áýejaılarǵa, temirjol vokzaldaryna, bilim berý obektilerine, joǵary oqý oryndary men kolledjderge, ınternattarǵa jáne bilim berý uıymdarynyń jataqhanalaryna jol beriledi.
«Bul sharalar koronavırýstyq ınfektsııanyń halyq arasynda taralý jáne juqtyrý qaýpin boldyrmaý úshin qabyldandy, sonymen qosa, mekemelerde «jasyl mártebesi» bar kelýshiler ózderin qaýipsiz seziný úshin. Halyqtyń kóp bóligi vaktsına almaıynsha, pandemııa aıaqtalmaıtynyn jurt túsiný kerek. Bul bizge burynǵy jáne qalypty ómirge oralýǵa múmkindik beredi», - dedi ol.
