Janna Frıskeniń týystary qazaqstandyq dárigerlerden kómek surap otyr
ASTANA. QazAqparat - Janna Frıskege tek qazaqstandyq medıtsına kómektese alýy múmkin. Bul týraly búgin Ortalyq kommýnıkatsııalar qyzmetinde ótken brıfıngte "Ulttyq medıtsınalyq holdıng" AQ-nyń basqarma tóraǵasy Álibek Kennet málimdedi.
Onyń aıtýynsha, jýyrda Astanadaǵy medıtsınalyq holdıng aıasynda mı qyrtystary bólimi ashylǵan bolatyn. Osyǵan baılanysty hal ústinde jatqan Jannaǵa kómek surap týystary habarlasypty.
"Búgin men Jannanyń ákesi Vladımır Frıskemen sóılesip, naýqasty bizdiń elde emdeý máselesin talqyladyq. Biraq biz onyń densaýlyǵynyń óte aýyrlyǵyna baılanysty ázirge naqty eshteńe aıta almaımyz. Degenmen, olar Jannany osynda ákele alsa, biz qolymyzdan kelgenniń barlyǵyn jasaýǵa daıynbyz. Óıtkeni dál osy jaǵdaıda oǵan kómek qolyn soza alatyn jalǵyz el biz bolamyz dep tolyq aıta alamyn", - dep atap ótti ol.
