Janna d'Ark-tyń saqınasy Londondaǵy aýktsıonǵa qoıyldy
ASTANA. QazAqparat - Iesi Janna d'Ark bolýy múmkin saqına Londondaǵy aýktsıonda satylmaq, dep habarlaıdy The Daily Mail basylymy.
Zergerlik buıym 15 ǵasyrda jasalǵan. 1431 jyly ataqty Janna d'Arkty aǵylshyndyqtar órter aldynda oǵan ata-anasy osy saqınany syılaýy múmkin. Ol kezde qyz 19 jasta bolǵan. Ólim jazasynan keıin bul korol Genrıh VII qolyna tústi.
Aýktsıon 2016 jyly aqpan aıynyń sońynda ótedi dep kózdelgen. Ony Timeline aýktsıon úıi ótkizedi. Kompanııanyń atqarýshy dırektory Brett Hemmondtyń aıtýynsha, bul Janna d'Ark-tyń saqınasy ekenin dáleldeıtin aqparat jetkilikti.
Timeline saıtyndaǵy derekke sáıkes lottyń bastapqy baǵasy 8 100 fýnt sterlıng. Bul saqınadan 10 000-14 000 fýnt sterlıng paıda tabý kózdelgen. Alaıda Hemmondtyń pikirinshe, ony qymbattyraq ta satýǵa bolady.
