Janmurat Seıilov Qyzylorda qalalyq kásipkerlik, ónerkásip jáne týrızm bóliminiń basshysy bolyp taǵaıyndaldy

QYZYLORDA. QazAqparat -Qyzylorda qalasy ákiminiń  ókimimen Seıilov Janmurat Jaqsymuratuly qalalyq kásipkerlik, ónerkásip jáne týrızm bóliminiń basshysy bolyp taǵaıyndaldy, dep habarlady QazAqparat HAA tilshisi qalalyq ákimdikke silteme jasap.

Janmurat Jaqsymuratuly, 1985 jyly 29 qazanda Jambyl oblysynda dúnıege kelgen.

Joǵary bilimdi: M.H.Dýlatı atyndaǵy Taraz memlekettik ýnıversıtetinde tarıh, quqyq jáne ekonomıka negizderi jáne Q.A.ıAssaýı atyndaǵy Halyqaralyq qazaq-túrik ýnıversıtetinde memlekettik basqarý mamandyqtary boıynsha bilim alǵan.

Eńbek jolyn 2007 jyly Qyzylorda oblysy ákimi apparatynyń ınspektory qyzmetinen bastaǵan.

2008-2011 jj. Qyzylorda oblysy, Balalardyń quqyqtaryn qorǵaý departamentinde bas maman;

2011-2013 jj. Qyzylorda oblystyq ishki saıasat basqarmasynda bas maman;

2013 jyldan osy kezge deıin Qyzylorda qalasy ákimi apparatynyń bas ınspektory - qala ákimi orynbasarynyń kómekshisi, qala ákiminiń kómekshisi qyzmetterin atqarǵan.