Jankúıeriniń armanyn oryndady: Dımash Qudaıbergen Aqtaýda erekshe janmen kezdesti

AQTAÝ. KAZINFORM – Álemge tanymal ánshi, qazaq eliniń maqtanyshy Dımash Qudaıbergen Aqtaýda ótken «Aqtaý – Túrki áleminiń mádenı astanasy» jylynyń ashylý saltanatynanan keıin, 23 jastaǵy múmkindigi shekteýli janmen kezdesti. Onyń kópten bergi armany - súıikti ánshisimen júzdesý bolǵan. 

— Bul – meniń ómirimdegi eń baqytty kúnderdiń biri. Dımashty sahnadan emes, betpe-bet kórý — ǵajap sezim. Armanym oryndaldy. Ómirimdegi eń áserli, umytylmas sát boldy, - deıdi ánshimen kezdesken Erbolat.

Aıta keteıik, gala kontsertte Dımashtyń ánderin jan-tánimen sezinip, qosylyp shyrqaǵan múmkindigi shekteýli azamattyń beınejazbasy taraǵan edi. Sony kórgen ánshi jankúıerimen kezdesti. 

— Seniń vıdeońdy búgin qaladan shyǵar aldynda kórip qaldym. Aǵalarymyzǵa kóp rahmet, ótinishimdi jerge tastamaı, baýyrymdy taýyp berip, ushar aldynda kezdesý uıymdastyrdy. Maǵan tileýles bolyp júrgenińe alǵys, - dep ánshi jankúıerine estelikke óziniń bilezigin taqty. 

Buǵan deıin, Prezıdent Aqtaýǵa túrki áleminiń mádenı astanasy mártebesiniń berilýimen quttyqtaǵanyn jazǵan bolatynbyz. 

TÚRKSOI uıymynyń bas hatshysy Sultan Raev ta halyqaralyq is-sharanyń mańyzdylyǵyn atap ótken edi.