Jankúıermen soqtyǵysqan «Astana» veloshabandozy jaraqattanyp qaldy
ASTANA. QazAqparat - «Astana» veloklýbynyń shabandozy Alessandro Vanottı 5-shi kezeń bastalǵanǵa deıin baskov elderiniń týryna qatysa almaıdy, dep habarlaıdy klýbtyń baspasóz qyzmeti.
"Men 5 shaqyrym jyldamdyqpen kezeń aldyndaǵy qol qoıý rásiminen kele jatqanda, aldy-artyna qaramaı joldy kesip ótken kórermenniń biri meni qatty soǵyp, qulatyp ketti. Ol tipti artyna burylyp, halimdi suraýǵa da jaraǵan joq. Men sol shyntaǵymmen quladym, jaman birdeńe bolǵanyn birden sezdim. Jolǵa tas tóselgen, sol qolym tastyń qyryna qatty soǵyldy. Tasqa soǵylmaǵanda, jarysty jalǵastyrar ma edim, kim bilsin", - degen A. Vannotıdiń sózi keltirilgen baspasóz qyzmetiniń habarlamasynda.
Veloshabandoz rentgenografııaǵa túsip, emdelý úshin jergilikti aýrýhanaǵa jetkizildi, búgin ol dárigerlermen keńesý úshin Italııaǵa ushyp ketedi.
Baspasóz qyzmetiniń aqparatyna súıensek, onyń komanda boıynsha joldasy Mıkel Landa jarystyń negizgi maıtalmandar tobymen márege 8-shi bolyp jetti.
