Jankúıerleri az bolǵan fýtbol klýbyna aıyppul salyndy
ASTANA. QazAqparat - Ispandyq La Lıganyń basshylyǵy «Seltaǵa» (Vıgo) óz alańyndaǵy matchtarǵa kelýshiler sany tym tómen bolǵandyǵyna baılanysty aıyppul saldy.
Bul jaıly MKTesportivo habarlaıdy. «Seltanyń» birinshi óz alańyndaǵy matchy kezinde trıbýnada 16,9 myń jankúıer bolǵan, ekinshi matchta - 17,4 myń, al, arena 32,5 myń adamǵa arnalǵan. Bul jaǵdaıdan keıin klýbtyń bılet baǵasyn 40 eýroǵa deıin túsirýine týra keldi.
Lıga erejeleri boıynsha, telearnalar arqyly tikeleı translıatsııa jasalatyn match kezinde klýb stadıondary kem degende 70 paıyz tolýy kerek. Bul ıspan fýtbolynyń naryqtaǵy bedelin saqtap qalý úshin jasalǵan.
«Selta» La Lıganyń týrnırlik kestesinde 17-inshi orynda.
Foto: Reuters Staff/ Reuters
