Jankúıerlerdiń aýyzbirshiligi úsh eldiń dostastyǵyn arttyrdy— Sadyr Japarov

ASTANA. KAZINFORM—Parıjde ótken HHHІІІ Jazǵy Olımpıada oıyndarynan oralǵan Qyrǵyzstannyń Olımpıada quramasynyń múshelerin marapattaý rásiminde prezıdent Sadyr Japarov qyrǵyz, qazaq jáne ózbek jankúıerleriniń ózara yntymaǵyn atap ótti, dep jazady Kabar agenttigi.

Onyń aıtýynsha, Olımpıada oıyndarynda úsh ulttyń birligin búkil álem moıyndady.

- Qoldaý týraly aıta otyryp, Parıjdegi olımpıadada tarıhy, tamyry, tili jáne rýhy bir qyrǵyz, qazaq jáne ózbek jankúıerleriniń ózara birligi búkil álemge tanylǵanyn aıtpaı ketýge bolmaıdy, - dedi Qyrǵyzstan prezıdenti.

Sadyr Japarov qyrǵyz, qazaq jáne ózbek halyqtarynyń ózara dostyǵy odan ári nyǵaıa túsýine tilektestigin bildirdi.

- Bizdiń sheteldegi sportshylarymyz jyly sezimdermen almasyp, jeńisterdiń qýanyshymen bólisip, qushaqtasyp, qoldaýlaryn bildirgen sátter úsh halyq arasyndaǵy ejelgi dostyqty, týystyq qatynastardy jáne tatý kórshilik qatynastardy odan ári nyǵaıtty dep senemin. Qyrǵyz, qazaq jáne ózbek halyqtarynyń ózara túsinistigi men birligi odan ári nyǵaıa bersin, - dedi ol.