Jankúıerlerdiń úmitin aqtaýǵa tyrysamyz - Andreı Karpovıch
KÓKShETAÝ. QazAqparat - «Oqjetpes» fýtbol klýbynyń jańa bas bapkeri Andreı Karpovıch aldaǵy maýsymdaǵy josparlary týraly aıtyp berdi, dep habarlaıdy QazAqparat tilshisi.
«Komandanyń bas jattyqtyrýshysy retinde ózime qoıylatyn talaptardy jaqsy bilemin. Komanda sońǵy kezderi ala-qula oınap júr. Bul árıne, premer-lıgada turaqty óner kórsetkisi keletin komanda úshin tıimsiz. Sondyqtan, jaqynda oqý-jattyǵý jıyndarynda komandany jasaqtap, aldaǵy maqsattarymyzdy aıqyndaıtyn bolamyz. Ásirese, úzdikter qataryna iliný úshin bar kúshimizdi salamyz. Eń basty klýb basshylyǵy men jankúıerleriniń úmitin aqtaýǵa tyrysamyz, - dedi Andreı Karpovıch.
Aıta keteıik, búgin «Oqjetpes» fýtbol klýbynyń basshylyǵy BAQ ókilderine komandanyń bas jattyqtyrýshy bolyp taǵaıyndalǵan Andreı Karpovıchti tanystyrdy. Onda klýb basshylyǵy endi «Oqjetpestiń» premer-lıgada 90 paıyz jańa qurammen oınaıtynyn aıtqan bolatyn.
