Jankúıerlerden qoldaý kútemin – boksshy Dýlat Bekbaýov

TAShKENT. QazAqparat – Ózbekstan astanasy Tashkent qalasynda ótip jatqan álem chempıonatynyń altynshy jarys kúninde jeńiske jetken Dýlat Bekbaýov (67 keli) jekpe-jegi jóninde pikir bildirdi, dep habarlaıdy QazAqparat tilshisi.

6 mamyrda 1/16 fınalda Dýlat Bekbaýov (67 keli) rýmynııalyq Andreı Mýstetti jeńip, jarystyń aldaǵy satysyna shyqty.

«Álem chempıonatyndaǵy alǵashqy kezdesýimde jeńiske jetkenime qýanyshtymyn. Bosańsýǵa bolmaıdy. Aldaǵy jekpe-jekke daıyndyqty bastaımyn. Barsha jankúıerler qoldaýyn kútemin», - dedi ol.

Sondaı-aq búgin ulttyq qurama kapıtany Aslanbek Shymbergenov (71 keli) 1/16 fınalda Trınıdad jáne Tobago elinen kelgen Aaron Prınspen qolǵap túıistiredi.

Aıta ketsek, álem chempıonatynda el quramasynan Talǵat Syrymbetov (60 keli), Sanatálı Tóltaev (63,5 keli) jáne Aıbek Oralbaı (92 keli) jarys jolynan shyǵyp qaldy.