Jankúıerler Tvýmasıdiń «Seltıkke» salǵan dobyn tamyz aıyndaǵy úzdik gol dep atady
ASTANA. QazAqparat - «Astana» fýtbol klýbynyń VKontaktedegi resmı tobynda tamyz aıyndaǵy úzdik goldy anyqtaý boıynsha daýys berý ótkizildi, dep habarlaıdy «QazAqparat» HAA tilshisi FK saıtyna silteme jasap.
Jazdyń sońǵy aıynda astanalyqtar 8 gol soqty, alaıda olardyń ekeýi qarsylas komanda fýtbolshylarynyń esebine jazyldy.
Daýys bergen 4500 adamnyń 36 paıyzy óz daýystaryn shotlandııalyq «Seltık» qaqpasyna gol soqqan Patrık Tvýmasıge bergen.
Ekinshi orynda Shotlandııanyń birneshe dúrkin chempıonynyń qaqpasyna gol soqqan Qazaqstan quramasynyń jartylaı qorǵaýshysy Serikjan Mujyqov boldy. Al, úshinshi orynǵa Tvýmasıdiń chempıondar lıgasynyń pleı-offynda soqqan taǵy bir goly ıe boldy. Bul joly «Astana» forvardy Dmıtrıı Shomkonyń qaptaldan soqqan dobyn basymen uryp, qaqpashyny jeńdi. Daýys berýge barlyǵy 4 574 adam qatysty.
