Jankúıerler Denıs Tendi týǵan kúnimen quttyqtady - VIDEO
ASTANA. QazAqparat - Búgin qazaqstandyq mánerlep syrǵanaýshy, Sochıdegi Olımpıada oıyndarynyń qola júldegeri Denıs Ten 23 jasqa toldy. Bul kúnge oraı jankúıerleri oǵan quttyqtaý beınebaıanyn daıyndady.
Jankúıerler súıikti sportshysyna bar jaqsylyqty tiledi. Sondaı-aq olar jańa baǵdarlamalardy taǵatsyzdana kútetinin eske saldy.
«Búgin 23 jasqa toldym. Ol úshin ata-anama alǵysymdy aıtamyn. Jastar mundaıǵa: «Mynany qara! 23 jasqa tolyp qaldy!» dep oılasa, aǵa býyn: «Áli qaıda, jas qoı! Búkil ómiri alda!» dep aıtady. Eki pikir de durys. Biraq men urpaqtar arasyndaǵy keńistikke qarap, barlyǵymyzdyń qazirgi shaqta emes, «aralyq» shaqta ómir súrip jatyrmyz dep oılanyp qalamyn. Ómirimizdiń barlyq úzdik sátteri kózdiń qıyǵymen ǵana baıqalyp otyrady. Basqa jaǵynan alǵanda, ómir áýenge uqsas. Jáne buryn oryndalǵan partııalardy qaıta oınatý, naqty notalardy bólip alýdyń máni joq. Máni - týyndyny túsiný tereńdigin uǵynýda. Qalaı bolsa da ómir - týyndy. Jáne onyń, kez kelgen jaǵdaıda, tamasha ekeni sózsiz», - dep bólisti Instagram-da óziniń áserimen Denıs Ten.
