Jankúıerler «Dakar-2012» avtobáıgesiniń júldegeri - «Astana» komandasyn áýejaıdan qarsy almaq
ASTANA. 19 qańtar. QazAqparat - Erteń Almatynyń halyqaralyq áýejaıynda «Dakar-2012» avtobáıgesiniń qola júldegeri - «Astana» komandasyn saltanatty jaǵdaıda qarsy alý ótedi.
Bul týraly «Samuryq-Qazyna» qory baspasóz qyzmeti habarlady.
Esterińizge sala keteıik, «Dakar-2012» bıylǵy 1 qańtarda Býenos-Aırestiń ońtústigindegi 80 shaqyrym jerden bastaý alǵan bolatyn. Avtobáıgeniń baǵdary Argentına, Chılı jáne Atakama shóliniń aýmaǵymen ótip, 15 qańtarda Perý astanasy Lımada toqtady.
«Dakardyń» barlyq 14 kezeńiniń qorytyndysy boıynsha júk kólikteri arasynda «Astana» komandasy «KAMAZ» kóligimen úshinshi oryndy jeńip aldy. Al birinshi jáne ekinshi oryndy «Iveko» kóligimen golandtyq Jerar de Roı men onyń komanda boıynsha áriptesi Hans Steısı utty.
Aıta keteıik, «Samuryq-Qazyna» qory qazaqstandyq «Astana» komandasyna bas demeýshilik etti.
