Jankúıerler alańdy órtep jiberdi: Shvetsııadaǵy match birneshe saǵatqa sozyldy

ASTANA. KAZINFORM — Shvetsııa chempıonatynyń joǵarǵy dıvızıonynda óner kórsetken «Norrchepıng» pen «Ergrıýt» komandalarynyń pleı-off matchy kezinde jasandy shóp órtinip, jarys 4 saǵatqa keıinge qaldyryldy. Bul týraly Report agenttigi jarııalady.

Oqıǵa oıynnyń negizgi ýaqyty aıaqtalýǵa bes mınýt qalǵanda bastalǵan. Komandalar bul ýaqytta 0:0 esebimen teń oıyn kórsetken bolatyn. «Norrchepıng» jankúıerleri pırotehnıkalyq zattardy alańǵa laqtyryp, nátıjesinde sıntetıkalyq jabyn men qaqpa tory órtenip ketti.

Uzaq úzilisten keıin match qaıta jalǵasty, biraq nebári 50 sekýndtan soń alańǵa qaıtadan petardalar laqtyryldy. Jankúıerlerdi trıbýnadan shyǵarý úshin oıyn qaıtadan toqtatyldy.

Jarys tórt jarym saǵattan keıin qaıta jalǵasty. Nátıjesinde «Ergrıýte» eki matchtaǵy esep boıynsha 3-0 esebimen jeńiske jetti. 

Eske salaıyq, qazan aıynda Nıderland polıtsııasy Chempıondar lıgasy matchy aldynda 180-ge jýyq jankúıerdi ustady.