Jankúıerdi basynan tepken «Marsel» fýtbolshysy alańnan qýyldy
ASTANA. QazAqparat - Eýropa lıgasynyń aıasynda Frantsııanyń «Marsel» klýby men Portýgalııanyń «Vıtorııa Gımaraınsh» komandasy arasyndaǵy oıyn aldynda oqys oqıǵa boldy.
Óz jankúıerlerimen kerisip qalǵan «Marsel» qorǵaýshysy Patrıs Evra olardyń biriniń basynan tepkeni úshin oıyn bastalmaı jatyp, alańnan qýyldy.
Frantsııanyń L'Equipe gazetiniń jýrnalısi Karım Attab Twitter-de «Evrany óz jankúıerleriniń biri balaǵattaǵan», - dep jazdy. «Oıynshy buǵan 30 mınýttaı shydap, aqyry bolmaǵan soń «Marsel» fanattary otyrǵan sektorǵa barady. Jankúıerler de oǵan qaraı jaqyndap, Evramen jáne marseldikterdiń basqa da oıynshylarymen sóz qaǵystyra bastaǵan. Ózin balaǵattaǵan kezde buǵan shydaı almaǵan Evra jankúıerlerdiń biriniń basyna teýip kep jiberdi».
Bul qylyǵy úshin match tóreshisi Tomash Bognar ony alańnan qýdy.
Evra «Manchester ıÝnaıted» sapynda bes dúrkin Anglııa chempıony jáne Chempıondar lıgasynyń jeńimpazy bolǵan.
#VSCOM un truc de fou s'est passé entre des supporters semble-t-il Marseillais et des joueurs dont Evra ! Ça a tapé ! @OM_Officiel #TeamOM pic.twitter.com/C9Cozns6X4
— Karim Attab (@karimattab1) 2 noıabrıa 2017 g.
