Janqosh jaraqatyna baılanysty qarsylasyn qulata almaǵan
ASTANA. QazAqparat - 9 qyrkúıek kúni Astanada Qanat Islam men Brendon Kýktyń arasyndaǵy boks keshinde óner kórsetken Janqosh Turarovtyń qarsylasyn nege qulata almaǵany belgili boldy, dep habarlaıdy QazAqparat tilshisi.
Ol sol kúni jekpe-jek barysynda qolyn jaraqattap alǵan. Bul týraly Janqosh óziniń Instagramdaǵy paraqshasynda jazdy.
«Keshegi jekpe-jek barysynda alǵan jaraqatyma baılanysty ýaıymdap, halimdi surap jatqan aǵaıyndarǵa raqmet. Allaǵa shúkir barlyǵy jaqsy, tórtinshi raýndta qarsylasymnyń mańdaıyna tıgen soqqydan keıin oń qolymdy aýyrtyp aldym, artynan belgili bolǵandaı ishindegi súıegi shytynap ketipti. Qazir gıps salyp, em qabyldap jatyrmyn.
Bul kásipqoı boks, rıngte neshe túrli kútpegen jaǵdaılar oryn alyp jatady. Eń bastysy sońyna deıin sátti aıaqtap, jeńiske jettik. Búkil qoldaýǵa kelgen jankúıerlerge jáne teledıdardyń artynda biz úshin ýaıymdap otyrǵan qazaq xalqyna alǵysym sheksiz. Jeńisti kúnder kóp bolsyn aǵaıyn», - dep jazdy ol.
Esterińizge sala keteıik, 9 qyrkúıek kúni Astanada EKSPO-2017 mamandandyrylǵan kórmesi aıasynda boks keshi ótken bolatyn. Onda buryn jeńilip kórmegen 9 otandasymyz óner barlyǵy qarsylastaryn aıqyn basymdylyqpen utty.
Keshegi jekpe jek barysynda alǵan jaraqatyma baılanysty ýaıymdap, qalimdi surap jatqan aǵaıyndarǵa raqmet. Allaǵa shúkir barlyǵy jaqsy, tórtinshi raýndta qarsylasymnyń mańdaıyna tıgen soqqydan keıin oń qolymdy aýyrtyp aldym, artynan belgili bolǵandaı ishindegi súıegi shytynap ketipti. Qazir gıps salyp, em qabyldap jatyrmyn. Bul kásipqoı boks, rıngte neshe túrli kútpegen jaǵdaılar oryn alyp jatady. Eń bastysy sońyna deıin sátti aıaqtap, jeńiske jettik. Búkil qoldaýǵa kelgen jankúıerlerge jáne teledıdardyń artynda biz úshin ýaıymdap otyrǵan qazaq xalqyna alǵysym sheksiz. Jeńisti kúnder kóp bolsyn aǵaıyn. #janqosh_turarov #zht_team #boxing #wbc #astana #expo2017 #champion
