Janqosh Turarovtyń tıtýldyq jekpe-jeginiń datasy ózgerdi

NUR-SULTAN. QazAqparat – Jeńilip kórmegen qazaqstandyq kásipqoı boksshy Janqosh Turarov (24-0, 17KO) kezekti jekpe-jegin «Alyp kelt» laqap atymen tanymal brıtandyq Taıron Makkenaǵa (21-2-1, 6KO) qarsy ótkizedi, dep habarlaıdy QazAqparat.

Aıqasta J. Turarov jartylaı orta salmaq dárejesindegi WBO Inter-Continental chempıony ataǵyn qorǵaıtyn bolady.

Áýelde bul jekpe-jek Dýbaıda (BAÁ) 12 naýryzda ótedi dep josparlandy. Biraq keıinirek 3 sáýirge aýysty. Ótetin orny ózgergen joq.

Boks keshiniń negizgi jekpe-jegi ekinshi jartylaı jeńil salmaqtaǵy WBO chempıony, amerıkalyq Djamel Herrıng (22-2, 10KO) pen jartylaı jeńil salmaqtaǵy IBF eks-álem chempıony, brıtandyq Karl Frempton (28-2, 16KO) arasynda ótedi.

Turarov úshin bul 2019 jyldyń shildesinen bergi alǵashqy jekpe-jek. Sol kezde ol Nur-Sultanda argentınalyq boksshy Maýro Maksımılıano Godoıdy (32-6-1, 17KO) úshinshi raýndta nokaýtqa jibergen bolatyn.