Janqosh Turarovtyń qarsylasy rıngke qazaqtyń shapanyn kıip shyqty
ASTANA. QazAqparat - Qazaqstandyq boksshy Janqosh Turarov (21-0, 15KO) argentınalyq Brýno Leonardo Romeıdy (21-4-0, 18 KO) aıqyn basymdyqpen jeńdi, dep xabarlaıdy QazAqparat tilshisi.
Qazaq boksshysy birinshi raýndtan bastap ashyq bokstasyp, óziniń joıqyn soqqylaryn dittegen jerine jetkize bildi. Argentınalyq boksshy bir-eki ret eseńgirep qaldy.
Ekinshi raýndta da Janqoshtyń sheberligi basym boldy. Artynan qarsylasyn ábden sabady. Brýno Romeı qorǵanystan shyqpaı, arasynda djebpen jaýap berip otyrdy. Janqosh eki qolyn erbeńdetip, Brýnony shıraq qımyldaýǵa da shaqyrdy.
Altynshy raýndtqa taman argentınalyq boksshynyń sol kózi isip ketti. Degenmen, ol óziniń sylbyr taktıkasynan aınyǵan joq. Osydan keıin Turarov eki qolyn túsirip kórdi. Alaıda Brýno óz soqqylaryn daryta almady. Janqosh bolsa, úsh birdeı apperkotyn qatar ótkize bildi.
Bul joly qazaqstandyq boksshy nokaýtpen jeńbese de, upaı sany boıynsha utty. Jekpe-jektiń aıaǵyna qaraı argentınalyq boksshynyń sol kózi múldem jabylyp qaldy.
«Men altynshy raýnd bastalǵanda oń qolymdy syndyryp aldym. Qazir qolymnyń synyp qalǵanyn sezip turmyn. Sodan tek sol qolmen ǵana urýǵa týra keldi. Endi, bul da - taǵdyr. Qaıyrly jeńis boldy. Men úshin on raýndtyq jekpe-jek - úlken sabaq. Sport mansabymda ondaı áli bolmaǵan», - deıdi Janqosh Turarov.
Aıta keteıik, búgingi boks keshiniń basty jekpe-jeginde Qanat Islam (24-0, 19KO) kanadalyq Brendon Kýkke (18-0, 11KO) qarsy shyǵady. Olar birinshi orta salmaqtaǵy WBA Inter-Continental jáne WBO-NABO nusqasynyń chempıondyq ataqtaryn sarapqa salatyn bolady.
Boks keshin «Qazsport» telearnasy tikeleı efırde kórsetip jatyr. 20:00-ge «Qazaqstan» ulttyq arnasy da tikeleı efırge shyǵady. Budan bólek, Fite.tv ınternet arnasy, sondaı-aq TVtibi men Flipps arqyly tikeleı reportajdar júrgiziledi.
Alǵashqy jekpe-jekte qazaqstandyq boksshy Meıirim Nursultanov bir mınýttyń ishinde óz qarsylasynnokaýtpen jeńdi.
Al «Nıý-Iorktyń úzdik polıtseıi» Dımash Nııazov elirgen qarsylasyn sabasyna túsirdi.
Qazaqtyń jas nokaýtery Aıdos Erbosynuly da kezekti jeńisine jetti.
Al Álı Axmedov óz qarsylasyn texnıkalyq nokaýtpen jeńdi.
Nursultan Jańabaev ta óz ýádesin oryndap shyqty.
Asa aýyr salmaqta Rýslan Myrsataevtórtinshi jeńisine qol jetkizdi.
Jánibek Álimxanuly bolsa, kásibı bokstaǵy ekinshi jeńisine jetti.
