Janqosh Turarovtyń álemdik reıtıngidegi orny sońǵy jeńisinen soń aıtarlyqtaı joǵarylady
ASTANA. QazAqparat – Qazaqstandyq boksshy Janqosh Turarovtyń (26-0, 19 KO) Boxrec.com saıtyndaǵy orny tıtýldyq jekpe-jektegi jeńisinen soń aıtarlyqtaı ósti, dep habarlaıdy QazAqparat Sports.kz saıtyna silteme jasap.
Janqosh Almatyda ótken boks keshinde óner kórsetip, basty kezdesýdiń jetinshi raýndynda vnesýelalyq Lýıs Enrıke Romerony (11-6-1, 7 KO) nokaýtqa jiberip, birinshi jartylaı salmaqta IBO Inter-Continental chempıony beldigin jeńip aldy.
BoxRec reıtıngisinde Janqosh óz dıvızıony boıynsha 242-shi orynda turǵan bolatyn. Merziminen buryn qol jetkizgen senimdi jeńisinen ol 45-shi orynǵa turaqtady.
Osyǵan deıin Janqosh Turarov WBO Inter-Continental nusqasy boıynsha birinshi jartylaı salmaqta chempıon bolatyn.
Foto: sports.kz
