Janqosh Turarov jartylaı orta salmaqta IBO nusqasy boıynsha álem chempıony atandy

ALMATY. QazAqparat - Almatyda ótken boks keshinde qazaqstandyq sportshy Janqosh Turarov (26-0, 19 KO) tıtýldyq jekpe-jek ótkizip, meksıkalyq qarsylasyn jeńdi, dep habarlaıdy QazAqparat Sports.kz saıtyna silteme jasap.

Janqosh Turarov jartylaı orta salmaqta IBO tujyrymy boıynsha álem chempıony ataǵy úshin meksıkalyq Alehandro Menesespen (16-5, 9 KO) judyryqtasty. Bul jekpe-jekte meksıkalyq boksshy chempıon mártebesine ıe bolǵanymen, qazaqstandyq aıqyn favorıt sanaldy. Bul jekpe-jek on eki raýndqa eseptelgen jáne Janqosh Turarovtyń jeńisimen aıaqtaldy, onyń qarsylasy onynshy raýndtyń basynda oıynnan bas tartty.

Janqosh Turarov kásipqoı mansabyndaǵy 27-shi jeńisine qol jetkizip, IBO tujyrymy boıynsha jartylaı orta salmaqtaǵy álem belbeýin jeńip aldy. Alehandro Meneses kásipqoı boksta altynshy ret jeńiliske ushyrap, tıtýlynan aıyryldy.