Janqosh Turarov WBO tıtýlyn qorǵaý aldyndaǵy salmaq ólsheýge kelmedi
NUR-SULTAN. QazAqparat – Qazaqstandyq boksshy Janqosh Turarov (24-0, 17KO) brıtandyq Taıron Makkenamen (21-2-1, 6 KO) bolatyn aıqas aldyndaǵy salmaq ólsheý rásiminen ýaqtyly óte almady, dep habarlaıdy QazAqparat Sports.kz-ke silteme jasap.
Boksshylar erteń 3 sáýir kúni Dýbaıdaǵy Caesars Palace arenasynda jekpe-jekke shyǵýy kerek. Básekede Turarovqa tıesili birinshi jartylaı orta salmaqtaǵy WBO Inter-Continental chempıony tıtýly sarapqa salynady.
Aıqas aldyndaǵy salmaq ólsheý rásimine tek Makkenna keldi. «Alyp kelttiń» salmaǵy 63,5 sanattaǵy lımıt kezinde 63,3 kılogramdy qurady. Sharanyń júrgizýshisi qazaqstandyq boksshy «sońǵy ýntsııalardy» tastaý úshin qosymsha ýaqyt suraǵanyn jáne tarazyǵa keshirek túsetinin málimdedi.
