Jańqosh Turarov tájirıbeli brıtandyq boksshymen jekpe-jek ótkizedi

NUR-SULTAN. QazAqparat – Profı-rıngte jeńilip kórmegen qazaqstandyq boksshy Janqosh Turarovtyń (24-0, 17KO) kezekti jekpe-jeginiń datasy belgili boldy, dep habarlaıdy QazAqparat.

VKontakte áleýmettik jelisindegi «Qazaqstannyń kásipqoı boksy» paraqshasyndaǵy málimetke sáıkes, 30 jastaǵy J.Turarov kezekti aıqasyn 12 naýryz kúni Dýbaıda (BAÁ) ótkizedi. Onyń qarsylasy – 30 jastaǵy tájirıbeli boksshy, brıtandyq Taıron Makkenna (21-2-1, 6KO). Birinshi jartylaı orta salmaqtaǵy jekpe-jek 10 raýndqa eseptelgen.

J.Turarov sońǵy ret rıngke Nur-Sultandaǵy keshte shyqqan bolatyn. Ol argentınalyq Maýro Maksımılıano Godoıany (32-6-1, 17KO) úshinshi raýndta nokaýtqa túsirip, birinshi jartylaı orta salmaqtaǵy WBO Inter-Continental chempıony ataǵyn jeńip aldy.