Janqosh Turarov pen onyń qarsylasy tıtýldyq jekpe-jektiń aldynda salmaq ólsheý rásiminen ótti
ASTANA. QazAqparat - Qazaqstandyq boksshy Janqosh Turarov pen brazılııalyq Haokım Karneıro tıtýldyq jekpe-jektiń aldynda salmaq ólsheý rásiminen ótti. Bul týraly qazaqstandyqtyń Instagram áleýmettik jelisindegi akkaýntynda habarlandy.
Buǵan deıin 25 jastaǵy J.Turarov pen 28 jastaǵy H.Karneıronyń arasyndaǵy jekpe-jek 29 qańtarda Nıý-Iorkte ótetini belgili bolǵan. National Boxing Association (NBA) nusqasy boıynsha álem chempıonynyń bos beldigi úshin 12 raýndtyq jekpe-jek jartylaı ortasha salmaq sanatynda (147 fýnt - 66,7 kelige deıin) ótpek.
Qazaqstandyq boksshynyń esebinde 17 jekpe-jek bar, birde-bir ret jeńilmegen, sonyń 12-sinde nokaýtpen jeńiske qol jetkizgen. Brazılııalyqtyń esebinde barlyǵy 28 jekpe-jek, 22 jeńis bar, sonyń 20-syn ýaqytynan buryn aıaqtaǵan, alty ret jeńilgen.
